Wilayah Koordinasi Provinsi Kalimantan Selatan

NYAMAN KADANYA JOTHI KAL SEL

Pemulaannya tu jothi kalsel baisi anggota 8 ikung haja, tapi kebanyakan bubuhan anggota jothi kalsel ini masing-masing baisi gawian jua.Jadi kadada waktu lagi gasan bekekumpulan. Apalagi wayah gawian di jothi kalsel kada tapi ada lagi sagin ae bubuhannya sasatayuhnya haja jadinya menggaduhi di jothi. Sekalinya pas ada anggota jothi nang garing di rumah sakit,inya dilayani sakakahandak haja lawan bubuhan rumah sakit.Maka pulang dibedaakan banar tu pang inya lawan pasien nang lain, nang kada sama penyakitnya. Matan situ lalu kepengurusan jothi kalsel ini di asai/dibujuriakan pulang.

Dahulu tu jothi kal-sel baluman pang maadvokasi ke Rumah sakit. Imbah ada kepengurusan nang hanyar ini lalu jothi kalsel mulai beasa meolah ancang-ancang(program) gawian. Imbah itu lalu ancang-ancang(program) gawian jothi kalsel ini dipadahakan ke Sekretariat Nasional,lawan jua melewati proses verifikasi Nasional akhirnya jothi kalsel mendapatakan dukungan stimulasi 5 Propinsi pendanaan dari HCPI nang dihatiiakan (fasilitasi) oleh sekretariat Nasional.

Tumatan situ jothi kalsel lalu beolah kegiatan-kegiatan nang diantaranya menguatakan kelembagaan dan beolah kerjasama lawan RSU H.Moch.Ansari Saleh Banjarmasin. tekait sistim layanan kesehatan lawan akses ARV supaya jangan tasandat-sandat lagi. Nang pemulaan jothi kalsel dan bubuhan RSU H.Moch.Ansari Saleh beolah diskusi perihal sistim layanan kesehatan. Hasilnya iya bubuhan RSU H.Moch Ansari Saleh menambahi layanan di klinik VCT, lawan pambarian (akses) ARV sudah mulai lancar tumatan pemulaan sampai habis 2009 pambarian (akses) ARV di RSU H.Moch. Ansari Saleh kada suah lagi tasandat.

Jothi kalsel handak tarus haja mehatiakan perihal layanan kesehatan lawan pambagian (akses) ARV ini. Tapi masih banyak haja pank lagi nang harus dibujurakan gasan mewujudakan apa nang dikahandaki (visi) lawan jothi yaitu ; dihatiakannya hak –hak urang terinfeksi HIV, jangan ada pulang stigma lawan dibeda-bedaakan (diskriminasi) di Indonesia. Salam perjuangan. “ satu kahandak (tujuan) ,satu jaringan,satu suara”

Heru

Koordinator Provinsi