Wilayah Koordinasi Sumatera Barat

DULU MARANGKAK KINI ALAH PANDAI TAGAK

Jaringan Orang Terinfeksi HIV Indonesia kongres partamo di Jakarta, sajak itu pulo JOTHI ado di Sumatera Barat. JOTHI Wilayah Koordinasi Provinsi Sumatera Barat dulunyo masih manumpang di sekretariat LANTERA MINANGKABAU SUPPORT GROUP. Dari pertemuan – pertemuan jo anggota JOTHI Sumbar sampai jo komputer maninjam jo kawan awak LANTERA MINANGKABAU SUPPORT GROUP.

Karano alah maraso indak lamak dek manumpang taruih (nde malu ati ma awak), akhirnyo JOTHI Sumbar mulai banyak mambuek pertemuan – pertemuan jo anggota di lua. Mode di warnet , kadai – kadai kopi tapi jalan, kalau indak tu di rumah kawan - kawan anggota JOTHI Sumbar.

Kiro – kiro alah satahun labiah JOTHI Sumbar indak punyo sekretariat surang, di akhir agustus 2009, JOTHI

Sumbar yang biasonyo manumpang jo bapindah –pindah kini alah ado sekretariat surang. JOTHI Sumbar dapek pitih untuak manyeo sekretariat jo mambali komputer dari SEKNAS JOTHI. Sekretariat yang batampek di paviliun rumah urang dan kini kami alah bisa bakarajo di tampek surang. Dari mangetik laporan – laporan, pertemuan – pertemuan jo anggota bahkan pelatihan – pelatihan di karajoan juo di sekretariat provinsi. Sampai kini alah bisa lo ma undang urang penting di Sumbar ko untuak ba kunjungan ka sekretariat JOTHI Sumbar.

Gampo gadang tanggal 30 September 2009 patang, komputer jo meja yang ado di sekretariat hancua lo dek gampo. Tapi ko indak mambuek JOTHI Sumbar jadi patah semangat untuak bajuang mambantu urang terinfeksi HIV yang manjadi korban gampo. Paska gampo, JOTHI Sumbar bakarajosamo jo KPAP Sumbar, Indonesian Project samo PKPA menyalurkan bantuan gampo untuk urang terinfeksi HIV di Sumbar yang manjadi korban gampo manarimo barupo pitih, mie instant, baju - baju bekas samo vitamin untuak anak – anak.

Dek JOTHI Sumbar alun ado Rekening Bank, kawan – kawan JOTHI Sumbar manyumbang untuak mambuka rekening bank samo mambali komputer baru nan hancua dek gampo. Kini JOTHI Sumbar alah punyo rekening di bank samo komputer baru yang di bali dari patungan dari kawan – kawan.

JOTHI Sumbar dapek dukungan dari SEKNAS JOTHI jo Program Kesehatan Kita. Sajak ado program ko, sekre JOTHI Sumbar manjadi tampek kumpua – kumpua urang terinfeksi HIV di Sumbar. Di sekre JOTHI Sumbar ko urang terinfeksi HIV dapek dukungan dan informasi yang basangkuik jo HIV/ AIDS.

Marselina

Koordinator Provinsi